سوفت ويربتاعنا.

البيع

معمول لزحمة الكاونتر.

• امسح الباركود أو كود الصنف، حتى تيكت الميزان اللي الوزن متسجل جوه الباركود بتاعه.
• بحث بيفهم الإملا العربي: ة وه، وى وي، وأ وا كلهم واحد.
• لحد خمس طلبات مفتوحين في نفس الوقت، وتتنقل بينهم بزرار واحد من الكيبورد.
• كاش، فيزا، إنستاباي، محفظة، أو كاش مع طريقة إلكترونية، والباقي بيتحسب لوحده ورقم العملية إجباري.
• المخزون بيتراجع تاني وقت الدفع، فمينفعش كاشيرين يبيعوا آخر قطعة مرتين.
• اختصارات كيبورد لكل حاجة: بيعة جديدة، دفع، باركود، وشيل آخر صنف، كل واحدة بزرار.

الدليفري والعملاء

تكتب الرقم، والطلب يطلع.

• اكتب رقم التليفون واسم العميل وعنوانه بيتملوا لوحدهم.
• العميل الجديد بيتسجل أوتوماتيك من أول طلب دليفري.
• مناطق توصيل كل واحدة برسومها، وطيار متحدد لكل طلب.
• عدد طلبات كل عميل وإجمالي اللي صرفه، وتقارير الطلبات حسب الطيار.

الورديات

اعرف الفلوس نقصت في أنهي وردية.

• وردية واحدة مفتوحة لكل كاشير ولكل جهاز، والنظام نفسه هو اللي بيمنع غير كده.
• المفروض يتقفل بكام بيتحسب لكل طريقة دفع، وفرق الكاش بيطلع لوحده.
• باسورد عشان تقفل، والمدير يقدر يقفل الوردية إجباري بملاحظة، ويراجعها بعدها.
• إيصال تقفيل مطبوع، وتصدير إكسيل لكل الورديات.

الموافقات والمرتجعات

مفيش حاجة بتخرج من الدرج من غير اسم عليها.

• الخصم محتاج كود موافقة المدير، بالسكانر أو بالكتابة، ولحد نسبة المالك بيحددها.
• ولو حبيت، شيل صنف أو مسح السلة كمان يحتاج موافقة.
• مرتجع جزئي على مستوى الصنف، بسبب واسم اللي وافق، وتختار ترجعه المخزن أو لأ.
• مدة مرتجع إنت بتحددها من يوم لـ 365 يوم، وإيصال مرتجع مطبوع.

المخزون والعروض

مخزون مطابق للرف.

• تكلفة وسعر بيع ومكسب لكل صنف، بالقطعة أو بالكيلو.
• متوفر، قليل، خلصان، أو متباع أكتر من الموجود، وحد النواقص إنت بتحدده.
• عروض مجمعة بسعرها وباركودها. لما العرض يتباع، كل صنف فيه بيتخصم من المخزون.
• أقسام بألوان، وتعديل يدوي للمخزون، ومفيش صنف ليه مبيعات يتمسح بالغلط.

المشتريات والمصاريف

كل تغيير في السعر ليه أثر.

• سجل فاتورة شرا والمخزون يزيد، والتكلفة وسعر البيع يتحدثوا، والقيم القديمة بتتحفظ.
• أي شرا هيخلي الصنف يتباع بأقل من تكلفته بيترفض.
• الموردين متسجلين، ولو مسحت فاتورة شرا الكمية بتتخصم تاني.
• المصاريف بأقسامها، مع إجمالي الشهر وتصدير إكسيل.

التقارير والتقفيل الشهري

اعرف أرقامك بالظبط.

• لوحة فيها مبيعات النهارده ومتوسط الطلب والنواقص، ورسوم حسب القسم وطريقة الدفع.
• أكتر عشر أصناف بيعاً، والأصناف اللي بترجع أكتر، وفترات جاهزة من النهارده لحد السنة اللي فاتت.
• الطلبات حسب الدفع والحالة والخصم والنوع، وبتتصدر بشيت للمحل وشيت للدليفري وشيت للترابيزات.
• ملفات إكسيل متنسقة من 13 شاشة.
• تقفيل شهري بيثبت مبيعات الفترة ومشترياتها ومصاريفها ومرتجعاتها ومكسبها.

تطبيق الإدارة على موبايلك

المحل كله في جيبك.

• أندرويد وآيفون، 33 شاشة: الإحصائيات، الطلبات، المرتجعات، الورديات، المبيعات، المخزون، المشتريات، المصاريف، العملاء، الموظفين، وسجل الحركات.
• لايف على نفس الخط اللي عليه الكاشيرات، فالبيعة اللي بتتعمل على الكاونتر بتظهر على موبايلك في نفس اللحظة.
• مش للفرجة بس. ضيف صنف بصورته، سجّل مشتريات أو مصروف، واعمل عرض جديد.
• راجع وردية اتقفلت، أو اقفل إجباري وردية سابها حد مفتوحة، واقفل الشهر من غير ما تنزل المحل.
• اعمل حسابات للموظفين وحدد مين يقدر يوافق على الخصم والحذف.
• صدّر القوايم لشيت وابعتها من الموبايل على طول. عربي وإنجليزي، وشكل فاتح وغامق وأسود.

إضافة تطبيقات الإدارة · 4,000 جنيه · موبايل وديسكتوب

الإدارة على أي كمبيوتر ويندوز

تدير المحل من البيت، مش من المخزن.

• كل جزء الإدارة في تاجر من غير كاشير: الإحصائيات، الورديات، الطلبات، المرتجعات، المبيعات، المصاريف، المشتريات، المخزون، العروض، العملاء، الدليفري، التقفيل الشهري، السجل، والإعدادات.
• بيوصل للمحل عن طريق لينك آمن على النت، أو أي لينك تديهوله. مفيش تفعيل على جهاز الإدارة.
• المالك والأدمن والمدير بس اللي يدخلوا. حسابات الكاشير مرفوضة، على الديسكتوب وعلى الموبايل.
• بيتأكد إن المحل متاح قبل ما تسجل دخول، وبيوريك الكاشير الرئيسي شغال بأنهي إصدار ونسخة.
• احفظ أكتر من محل بالاسم واتنقل بينهم. كل محل بياناته لوحده.

نفس الإضافة · الـ 4,000 جنيه شاملة التطبيقين

الفواتير والطابعات

فاتورة على مقاس الورق.

• فواتير حرارية 80 مم بالعربي أو الإنجليزي، من اليمين لليسار كمان.
• مقاس الورق بيتقري من تعريف الطابعة، ومعاه مسطرة معايرة وطباعة تجربة.
• اللوجو وأرقام التليفون ولينكات السوشيال والجملة اللي تحت، وموقعك كلينك أو كيو آر كود.
• إيصالات المرتجع وتقفيل الوردية، وطابعة مطبخ منفصلة في سفرة.
• في الديمو على السحابة، الفواتير وتيكت المطبخ بيتطبعوا على طابعتك من المتصفح.